བཀྲས་ལྷུན་དགོན་གྱིས་ཆིང་རྒྱལ་རབས་སྐབས་ཀྱི་རྩ་ཆེའི་རིག་དངོས་རྡོ་རིང་གཉིས་བསྡུ་ཉར་བྱས་པ།

བོད་ལྗོངས་ཉིན་རེའི་ཚགས་པར་།

| 2019-09-20 17:51:34

འདི་ག་ཚགས་པར་ཁང་དུ་གཞིས་རྩེ་ནས་ཟླ་9ཚེས་18ཉིན་གློག་འཕྲིན་འབྱོར་གསལ།  རིག་དངོས་བདེ་འཇགས་སྲུང་སྐྱོང་གིས། ལོ་རྒྱུས་དཔང་པོར་སྲུང་སྐྱོང་བྱེད།  ཟླ་9ཚེས་17ཉིན།  བཀྲས་ལྷུན་དགོན་གྱིས་ཆིང་རྒྱལ་རབས་སྐབས་ཀྱི་རྩ་ཆེའི་རིག་དངོས་རྡོ་རིང་གཉིས་ཏེ།  “གེ་སར་ལྷ་ཁང་རྡོ་རིང”དང“ལྷ་ཁང་དམར་པོའི་རྡོ་རིང”བསྡུ་ཉར་གྱི་ཡོལ་འབྱེད་མཛད་སྒོ་འཚོགས་ཤིང་།  རྒྱལ་ཡོངས་སྲིད་གྲོས་ཀྱི་རྒྱུན་ཨུ་དང་།  ཀྲུང་གོ་ནང་བསྟན་མཐུན་ཚོགས་ཀྱི་ཚོགས་གཙོ་གཞོན་པ།  ཀྲུང་གོ་ནང་བསྟན་མཐུན་ཚོགས་བོད་ལྗོངས་ཡན་ལག་མཐུན་ཚོགས་ཀྱི་ཚོགས་གཙོ་བཅས་ཡིན་པའི་པཎ་ཆེན་ཨེར་ཏི་ནི་ཆོས་ཀྱི་རྒྱལ་པོ་མཛད་སྒོར་ཕེབས་པ་དང་འབྲེལ་རྡོ་རིང་གི་ཡོལ་ཁེབས་ཀྱང་ཕྱེ་གནང་བ་རེད།

རང་སྐྱོང་ལྗོངས་སྲིད་གྲོས་ཀྱི་ཀྲུའུ་ཞི་གཞོན་པ་དང་བཀྲས་ལྷུན་དགོན་དགོན་སྡེ་དོ་དམ་ཨུ་ལྷན་གྱི་ཀྲུའུ་རེན་དང་པོ་ས་ལུང་ཕུན་ལགས་ཀྱིས་ཡོལ་ཁེབས་འབྱེད་པའི་མཛད་སྒོ་གཙོ་སྐྱོང་གནང་བ་དང་།  རང་སྐྱོང་ལྗོངས་སྲིད་གྲོས་ཀྱི་ཀྲུའུ་ཞི་གཞོན་པ་དང་།  ཀྲུང་གོ་ནང་བསྟན་མཐུན་ཚོགས་བོད་ལྗོངས་ཡན་ལག་མཐུན་ཚོགས་ཀྱི་ཏང་ཙུའི་ཧྲུའུ་ཅི།  རྒྱུན་ལས་ཚོགས་གཙོ་གཞོན་པ་བཅས་ཡིན་པའི་བསོད་ནམས་རིག་འཛིན་མཛད་སྒོར་ཕེབས་ཡོད་པ་རེད།

“གེ་སར་ལྷ་ཁང་རྡོ་རིང”དང“ལྷ་ཁང་དམར་པོའི་རྡོ་རིང”དེ་གཉིས་སྔོན་མ་གཞིས་རྩེའི་གེ་སར་ལྷ་ཁང་གི་རྒྱ་ལྷ་ཁང་དུ་བཙུགས་ཡོད་པ་དང་དགོན་སྡེ་ཉམས་ཆགས་ཞིག་རལ་སོང་རྐྱེན།  དུས་རབས་གོང་མའི་དུས་མཇུག་ཏུ་བཀྲས་ལྷུན་དགོན་གྱི་སྒོ་རའི་ནང་ཉར་ཚགས་བྱས་ཡོད།  ད་ཐེངས་རྡོ་རིང་དེ་གཉིས་བཀྲས་ལྷུན་དགོན་གྱི་བཤམས་སྟོན་ཁང་དུ་ཉར་ཚགས་བྱ་རྒྱུར་མངགས་པའི་དམིགས་ཡུལ་གཙོ་བོ་ནི་ལོ་རྒྱུས་རིག་དངོས་གལ་ཆེན་གྱི་སྲུང་སྐྱོང་དང་བེད་སྤྱོད་ལས་དོན་ལ་ཤུགས་སྣོན་ཏན་ཏིག་བརྒྱབ་ནས་བོད་འདི་ཉིད་གནའ་སྔ་མོ་ནས་བཟུང་ཀྲུང་གོའི་ཁ་འབྲལ་ཐབས་མེད་པའི་ཆ་ཤས་ཤིག་ཡིན་པ་དང་རྒྱལ་རབས་རིམ་བྱུང་གི་ཀྲུང་དབྱང་སྲིད་གཞུང་གིས་ནུས་ལྡན་ངང་བོད་བཅོས་སྐྱོང་བྱས་པ་མཚོན་པའི་རྩ་ཆེའི་རིག་དངོས་ལ་སྔར་བས་སྲུང་སྐྱོང་ཡག་པོ་དང་བེད་སྤྱོད་ཡག་པོ།  འགྲེམས་སྟོན་ཡག་པོ་བཅས་བྱས་ནས་རྒྱལ་གཅེས་རིང་ལུགས་སློབ་གསོའི་ཁྲོད་དེའི་དམིགས་བསལ་གྱི་ནུས་པ་འདོན་སྤེལ་གང་ལེགས་བྱ་ཆེད་ཡིན་པ་རེད།

རྒྱལ་ཁབ་ཀྱི་རླུང་ཁམས་ཆེ་མོ

བརྙན་མཐོང་།