ལྷ་ས་གྲོང་ཁྱེར་ཁྲེང་ཀོན་ཆུས་ཀྱི་འགན་དབང་14སྡེ་ཁུལ་ལ་སྤྲས་པ།

བོད་ལྗོངས་ཉིན་རེའི་ཚགས་པར་།

| 2019-08-20 10:50:54

འདི་ག་ཚགས་པར་ཁང་དུ་ལྷ་ས་ནས་ཟླ་8ཚེས་18ཉིན་གནས་ཚུལ་འབྱོར་གསལ། ཉིན་ཤས་གོང་།  ལྷ་ས་གྲོང་ཁྱེར་གྱི་སྲིད་དོན་ཞབས་ཞུའི་ལས་སྟེགས་འཛུགས་སྐྲུན་གྱི་ཚོད་ལྟ་དང་པོ་ཁྲེང་ཀོན་ཆུས་གྲྭ་བཞི་ཁྲོམ་གཞུང་དང་ཉི་དྲོ་གླིང་སྡེ་ཁུལ་དུ་དངོས་སུ་བྱེད་འགོ་ཚུགས་ཡོད།  ད་ཐེངས་ཀྱི་ཚོད་ལྟའི་ལས་དོན་ལ་ལྷ་ས་གྲོང་ཁྱེར་དང་ཁྲེང་ཀོན་ཆུས་ཀྱི་རིམ་གཉིས་སྲིད་འཛིན་ཞིབ་མཆན་ཅུས་ཀྱིས་སྣེ་ཁྲིད་པ་དང་ཁྲེང་ཀོན་ཆུས་མི་སྤྱི་ཅུས་དང་སྨན་བཅོས་འགན་བཅོལ་ཅུས་ཞུགས་ཡོད།  ཁྱོན་འགན་དབང་14གཤམ་འོག་ཏུ་སྤྲས་པ་ལས་དམངས་འཚོ་དང་འབྲེལ་བ་དམ་ཟབ་ཡོད་པའི་མི་སྤྱི་དང་སྨན་བཅོས་འགན་བཅོལ་གྱི་སྡེ་ཚན་2གཙོ་གནད་དུ་བདམས་པ་དང་།  སྨན་བཅོས་འགན་བཅོལ་ཅུས་ཀྱི་འགན་དབང(སྲིད་འཛིན་གཏན་འཁེལ་གྱི་དོན་ཚན་1དང་།  སྲིད་འཛིན་བྱ་དགའི་དོན་ཚན་1 སྤྱི་པའི་ཞབས་ཞུའི་དོན་ཚན་3)5སྡེ་ཁུལ་ལ་སྤྲས་པ་དང་།  མི་སྤྱི་ཅུས་ཀྱི་འགན་དབང(ཚང་མ་སྤྱི་པའི་ཞབས་ཞུའི་དོན་ཚན་ཡིན་པ)9སྡེ་ཁུལ་ལ་སྤྲས་པ་རེད།  ད་ཐེངས་ཀྱི་འགན་དབང་གཤམ་སྤྲོད་ཀྱི་ཚོད་ལྟ་ནི་ཁྲེང་ཀོན་ཆུས་ཀྱིས་ཆུས་སྲིད་གཞུང་གི་མིང་ཐོག་ནས་ཁྲོམ་གཞུང(སྡེ་ཁུལ)གི་རིམ་པ་དང་པོར་སྲིད་དོན་ཞབས་ཞུའི་དོན་ཚན་སྤྲོད་ཐེངས་དང་པོ་ཡིན་པ་དེ་ཁག་དབྱེ་ནས་སྤེལ་བ་དང་ཚོད་ལྟ་སྔོན་བསྟར་གྱི་རྣམ་པར་བརྟེན་ནས་སྤེལ་བ་ཞིག་རེད།

“ཁྲེང་ཀོན་ཆུས་མི་སྤྱི་ཅུས་དང་སྨན་བཅོས་འགན་བཅོལ་ཅུས་ཀྱི་འགན་དབང་14ང་ཚོའི་སྡེ་ཁུལ་ལ་སྤྲས་པ་དང་འབྲེལ།  ཆེད་མངགས་དྲ་རྒྱའི་གཞུང་དོན་སྒྲུབ་པའི་མ་ལག་བཙུགས་ཡོད།  ང་ཚོས་སྐར་ཁུང་གི་ལས་དོན་པར་འགན་དབང་འཁུར་ལེན་གྱི་དངོས་སྤྱོད་གསོ་སྦྱོང་བྱས་ཡོད་ལ་ཁོངས་གཏོགས་ཁུལ་གྱི་གྲོང་མི་མང་ཚོགས་ལ་འགན་དབང་གཤམ་སྤྲོད་ཀྱི་སྲིད་ཇུས་སྒྲོལ་འགྲེལ་བྱེད་སྒོ་ཡང་སྤེལ་ཡོད།  གོ་སྐབས་འདི་སྤྱད་ནས‘དྲ་སྦྲེལ+ཀྱི་སྲིད་དོན་ཞབས་ཞུའི’རྣམ་པར་བརྟེན་ཏེ་སྡེ་ཁུལ་གྱི་ཞབས་ཞུའི་སྐར་ཁུང་གིས་དམངས་ལ་དོན་དག་སྒྲུབ་པའི་ལས་ཆོད་དང་སྤུས་ཚད་མཐོ་རུ་བཏང་ནས་ཉེ་འགྲམ་གྱི་གྲོང་མི་ཐེངས་གཅིག་ལས་འགྲོ་མི་དགོས་པར་དོན་དག་སྒྲུབ་ཐུབ་པ་བྱེད་ཀྱི་ཡིན”ཞེས་ཉི་དྲོ་གླིང་སྡེ་ཁུལ་གྲོང་ལྷན་གྱི་ཀྲུའུ་རེན་ཕུར་བུ་ཚེ་རིང་གིས་བཤད།

རྒྱལ་ཁབ་ཀྱི་རླུང་ཁམས་ཆེ་མོ

བརྙན་མཐོང་།