ལྷ་ས་གྲོང་ཁྱེར་གྱིས་ཟ་ཁང་དང་ཐབ་ཚང་གི་གད་སྙིགས་གཅིག་གྱུར་གཙང་སེལ་བྱེད་པ།

བོད་ལྗོངས་ཉིན་རེའི་ཚགས་པར་།

| 2019-05-15 10:56:11

འདི་ག་ཚགས་པར་ཁང་དུ་ལྷ་ས་ནས་ཟླ་5ཚེས་13ཉིན་གནས་ཚུལ་འབྱོར་གསལ། ཉེ་ཆར།  གསར་འགོད་པས་ཤེས་རྟོགས་བྱས་པར།  ཟ་ཁང་དང་ཐབ་ཚང་གི་སྙིགས་རོ་ཐོན་ཁུངས་ཅན་དུ་བེད་སྤྱོད་བྱས་ཏེ་ཟ་ཁང་དང་ཐབ་ཚང་གི་སྙིགས་རོ་ལས་བྱུང་བའི་བཟའ་བཅའ་དང་།  སྣོད་བཅུད་བདེ་འཇགས།  ཁོར་ཡུག་འཕྲོད་བསྟེན་བཅས་ཀྱི་གནད་དོན་འབྱུང་རྩ་ནས་ཐག་གཅོད་བྱས་ཏེ་གྲོང་ཁྱེར་ཡོངས་ཀྱི་བཟའ་འཐུང་བདེ་འཇགས་དང་གྲོང་མིའི་གཟུགས་པོའི་བདེ་ཐང་འགན་ལེན་བྱ་ཆེད།  ལྷ་ས་གྲོང་ཁྱེར་གྱིས《ལྷ་ས་གྲོང་ཁྱེར་གྱི་ཟ་ཁང་དང་ཐབ་ཚང་གི་གད་སྙིགས་དོ་དམ་བྱ་ཐབས》(གཤམ་དུ《བྱ་ཐབས》ཞེས་བསྡུ་རྒྱུ)དངོས་སུ་བཏོན་པ་རེད།

《བྱ་ཐབས》ནང་ལྷ་ས་གྲོང་ཁྱེར་གྱིས་གྲོང་ཁྱེར་ཡོངས་ཀྱི་ཁྱབ་ཁོངས་སུ་ཟ་ཁང་དང་ཐབ་ཚང་གི་སྙིགས་རོ་གཅིག་གྱུར་སྐྱེལ་འདྲེན་གཙང་སེལ་གྱི་ལས་དོན་སྤེལ་ཏེ་ཟ་ཁང་དང་ཐབ་ཚང་གི་སྙིགས་རོ་ཁེར་རྐྱང་ཚུར་བསྡུ་དང་།  རང་ཚུགས་དབོར་འདྲེན། གཅིག་སྡུད་གཙང་སེལ་བཅས་བྱ་རྒྱུའི་བླང་བྱ་བཏོན་པ་རེད།

ལྷ་ས་གྲོང་ཁྱེར་གྱི་ཟ་ཁང་དང་ཐབ་ཚང་གི་སྙིགས་རོ་གཙང་སེལ་ལྟེ་གནས་ཀྱིས་ད་དུང་དངོས་སུ་ལས་དོན་སྤེལ་འགོ་ཚུགས་མེད་པར་དམིགས་ནས།  ལྷ་ས་གྲོང་ཁྱེར་ཁོར་ཡུག་འཕྲོད་བསྟེན་དོ་དམ་ཅུས་ཀྱིས་མིག་སྔར《ལྷ་ས་གྲོང་ཁྱེར་གྱི་ཟ་ཁང་དང་ཐབ་ཚང་གི་སྙིགས་རོ་ཐོན་ཁུངས་ཅན་དུ་བེད་སྤྱོད་དང་གནོད་མེད་ཐག་གཅོད་བྱེད་པའི་རྣམ་གྲངས་འཁོར་རྒྱུག་མ་བྱས་གོང་གི་གནས་སྐབས་འཕྲལ་སྡོམ་བསྡུ་འདྲེན་ལག་བསྟར་ཇུས་གཞི》བཟོས་པ་རེད།

འཕྲལ་སྡོམ་འཚོལ་བསྡུའི་ཁྱབ་ཁོངས་དེ་གནས་སྐབས་ཁྲེང་ཀོན་ཆུས་སུ་གཏན་འཁེལ་བྱས་པ་དང་།  དྲིལ་བསྒྲགས་གནས་ཚུལ་དང་དེ་བཞིན་བསྡུ་འདྲེན་ནུས་པར་གཞིགས་ནས་སླར་ཡང་ཁྱབ་ཁོངས་རིམ་བཞིན་རྒྱ་ཆེར་བཏང་སྟེ་གྲོས་མཐུན་འཇོག་པའི་ལས་དོན་སྤེལ་ནས་དཔེ་སྟོན་ནུས་པ་ཐོན་ཡོད།  ཞིབ་ཕྲ་ནི་ཁག་གསུམ་ལ་དབྱེ་ནས་ལག་བསྟར་བྱ་རྒྱུ་དང་།  ཁག་དང་པོར་འཚོལ་བསྡུའི་ལས་དོན་གྱིས་ལས་ཁུངས་དང་། ཁེ་ལས་དང་བྱ་གཞག་ཚན་པ།  སློབ་གྲྭ་དང་དེ་བཞིན་ཨར་ཁང་ཆེ་གྲས་བཅས་ལ་གཙོ་གནད་དམིགས་རྒྱུ་དང་།  ཁག་གཉིས་པའི་འཚོལ་བསྡུའི་ལས་དོན་གྱིས་བཟའ་འཐུང་ཚན་པའི་གཅིག་སྡུད་ཁྲོམ་གཞུང་སྟེ།  དཔེར་ན། དགོང་ཁྲོམ་དང་ཞིམ་ཟས་ཁྲོམ་གཞུང་སོགས་ལ་གཙོ་གནད་དམིགས་རྒྱུ།  ཁག་གསུམ་པའི་འཚོལ་བསྡུའི་ལས་དོན་གྱིས་ཁ་ཐོར་གྱི་ཟ་ཁང་ཆུང་གྲས་ལ་གཙོ་གནད་དམིགས་རྒྱུ་བཅས་རེད།

རྒྱལ་ཁབ་ཀྱི་རླུང་ཁམས་ཆེ་མོ

བརྙན་མཐོང་།