དུས་ཚིགས་དང་པོར་རང་ལྗོངས་ཀྱི་ཤ་དང་དཀར་ཆུའི་ཐོན་འབབ“གཉིས་འཕར”བྱུང་བ།

བོད་ལྗོངས་ཉིན་རེའི་ཚགས་པར་།

| 2019-05-06 10:48:27

འདི་ག་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ།  ཉིན་ཤས་གོང་གསར་འགོད་པར་འབྲེལ་ཡོད་སྡེ་ཚན་ནས་ཤེས་རྟོགས་བྱུང་བར།  རང་ལྗོངས་ཀྱིས་དཔྱིད་དུས་ཀྱི་སྤུ་གསར་སྐྱེ་གསོ་དང་ཕྱུགས་ཟོག་གསོ་ཚགས་དོ་དམ་དང་སྲོག་ཆགས་ཀྱི་རིམས་ནད་འགོག་བཅོས་སོགས་ཀྱི་ལས་དོན་ལ་དམ་འཛིན་ཡག་པོ་བྱས་པས་ལྗོངས་ཡོངས་ཀྱི་འབྲོག་ལས་ཐོན་སྐྱེད་ཀྱི་སྣང་ཚུལ་ཡག་པོ་ཡོད་པ་དང་།  འདི་ལོའི་དུས་ཚིགས་དང་པོར་ཤ་དང་དཀར་ཆུའི་ཐོན་འབབ“གཉིས་འཕར”བྱུང་ནས་ཕག་ཤ་དང་། ཚགས་ཤ  ལུག་ཤ་བཅས་ཀྱི་ཐོན་འབབ་ཏུན་ཁྲི་1.38ཟིན་ཏེ་དུས་མཚུངས་ལས་4.55%འཕར་བ་དང་།  དཀར་ཆུའི་རིགས་ཀྱི་ཐོན་འབབ་ཏུན་ཁྲི་4.48ཟིན་ནས་དུས་མཚུངས་ལས་2.28%འཕར་ཡོད་པ་རེད།

ཤེས་རྟོགས་བྱུང་བར་གཞིགས་ན།  འདི་ལོ་ལྗོངས་ཡོངས་ཀྱི་ཤ་དང་དཀར་ཆུའི་ཐོན་འབབ་ཏུན་ཁྲི་90ཡན་ཟིན་པའི་དམིགས་ཚད་ལས་འགན་ལ་དམིགས་ཏེ་རང་སྐྱོང་ལྗོངས་ཞིང་ལས་གྲོང་གསེབ་ཐིང་གིས་གྲོང་ཁྱེར་དང་ས་ཁུལ་བདུན་དང་ཞིང་འབྲོག་ལས་ཐོན་སྐྱེད་དམིགས་ཚད་ཀྱི་འགན་འཁྲིའི་ཡི་གེ་བཞག་ནས་ལོ་འཁོར་གྱི་ཤ་དང་དཀར་ཆུའི་ཐོན་སྐྱེད་ལས་འགན་གྲོང་ཁྱེར་དང་ས་ཁུལ་ཁག་ལ་ཁག་བགོས་བྱས་པ་རེད།

རྒྱལ་ཁབ་ཀྱི་རླུང་ཁམས་ཆེ་མོ

བརྙན་མཐོང་།