བོད་ལྗོངས་ཀྱི་གཞི་ཁྱོན་ཆེ་ཤོས་ཀྱི་དཔེ་རྙིང་ཡོངས་བཤེར་འདུ་འགོད་ལ་གཡུར་ཟའི་གྲུབ་འབྲས་ཐོབ་པ།

མི་དམངས་དྲ་བ།

| 2019-10-23 10:16:13

F201910091254241856703251.jpg

རང་སྐྱོང་ལྗོངས་དཔེ་རྙིང་སྲུང་སྐྱོང་ལྟེ་གནས་ཀྱི་རིགས་གཅིག་མཁས་ཅན་གྱིས་དཔེ་རྙིང་ཚད་ལྡན་ཡིག་ཆར་ལྟ་ཞིབ་བྱེད་བཞིན་པ།(དཔྱད་གཞིའི་པར་རིས)

ཉེ་ཆར། བོད་ཀྱི་གཞི་ཁྱོན་ཆེ་ཤོས་ཀྱི་དཔེ་རྙིང་ཡོངས་ཁྱབ་ཞིབ་བཤེར་འདུ་འགོད་ལས་མཇུག་སྒྲིལ་བའི་དུས་མཚམས་སུ་སླེབས་པ་དང་ཡོངས་ཁྱབ་ཞིབ་བཤེར་ལས་དོན་ལ་གཡུར་དུ་ཟ་བའི་གྲུབ་འབྲས་ཐོབ་ཅིང་། གྲངས་གཞི་ལས་མངོན་གསལ། མིག་སྔར་བོད་ཀྱིས་དཔེ་རྙིང་ཚད་ལྡན་ཡིག་ཆ་18000ལྷག་ཙམ་ཐོ་འགོད་བྱས་པ་དང་། དཔེ་རྙིང་291《རྒྱལ་ཁབ་ཀྱི་རྩ་ཆེའི་དཔེ་རྙིང་མིང་གཞུང》ནང་ཚུད་པ། 《གངས་ལྗོངས་ཀྱི་དཔེ་རྙིང་གཏེར་མཛོད》སོགས་བོད་ཡིག་གི་དཔེ་རྙིང་བཅུ་ལྷག་ཙམ་ཡོངས་ཁྱབ་ཞིབ་བཤེར་སྲུང་སྐྱོང་གྲུབ་འབྲས་ཀྱི་རིམ་སྤེལ་དཔེ་ཚོགས་རྩོམ་སྒྲིག་དཔེ་སྐྲུན་བྱས་ཡོད།

2009ལོར། “ཀྲུང་ཧྭའི་དཔེ་རྙིང་སྲུང་སྐྱོང་འཆར་གཞིའི”སྐུལ་འདེད་འོག་བོད་ཀྱིས་དུས་ཡུན་ལོ་བཅུ་དང་ད་བར་གཞི་ཁྱོན་ཆེ་ཤོས་ཀྱི་དཔེ་རྙིང་ཡོངས་ཁྱབ་ཞིབ་བཤེར་འདུ་འགོད་ལག་ལེན་བསྟར་འགོ་བཙུགས། ལོ་བཅུའི་རིང་། དཔེ་རྙིང་གཅིག་ཀྱང་མ་ལུས་པའི་རྩ་དོན་ཐོག་ནས་ཡོངས་ཁྱབ་ཞིབ་བཤེར་མི་སྣ་བོད་ཀྱི་ས་ཁུལ་དང་གྲོང་ཁྱེར་7ཚང་མར་བསྐྱོད་ནས་ལྗོངས་ཡོངས་ཀྱི་ས་གནས་དང་གྲོང་ཁྱེར་ཁག་ཏུ་ཁྱབ་པའི་ཡོངས་ཁྱབ་ཞིབ་བཤེར་ཐོ་འགོད་ལས་དོན་ལེགས་སྒྲུབ་བྱས་པ་རེད།

ཤེས་རྟོགས་བྱུང་བར་གཞིགས་ན། ལོ་བཅུའི་རིང་། རིམ་རྩིས་ལྟར་ན་ཀྲུང་དབྱང་དང་རང་སྐྱོང་ལྗོངས་ཀྱིས་མ་དངུལ་སྒོར་ཁྲི་ཆིག་སྟོང་ལྷག་ཙམ་བཏང་ནས་བོད་ཀྱི་དཔེ་རྙིང་ཚད་ལྡན་ཡིག་ཆ་ཡོངས་ཁྱབ་ཞིབ་བཤེར་སྲུང་སྐྱོང་ལས་དོན་ལ་རྒྱབ་སྐྱོར་བྱས་པ་རེད། མིག་སྔའི་བར། རིམ་རྩིས་ལྟར་ན་བོད་ཀྱིས་ཤོག་ལྷེ་3000ཙམ་གྱི་སྟོངས་ལ་ཉེ་བའི་དཔེ་རྙིང་ཚད་ལྡན་ཡིག་ཆ་ཉམས་གསོ་བྱས་པ་དང་། གཞི་རིམ་གྱི་དཔེ་རྙིང་ཉར་ཚགས་ཚན་པའི་ཆ་རྐྱེན་ལེགས་སུ་གཏོང་བའི་རྣམ་གྲངས་14ལེགས་སྒྲུབ་བྱས་པ། དཔེ་རྙིང་སྲུང་སྐྱོང་ས་ཚིགས་2གསར་དུ་བསྐྲུན་ཡོད་པ་རེད།

རྒྱལ་ཁབ་ཀྱི་རླུང་ཁམས་ཆེ་མོ

བརྙན་མཐོང་།