འདི་ནི་ལྷུན་རྩེ་རྫོང་དམངས་སྲིད་ཅུས་ཀྱི་འགོ་ཁྲིད་ཀྱིས་ཁྱིམ་ཆས་སོགས་ལ་བརྟག་ཞིབ་བྱེད་པའི་གནས་ཚུལ་ཡིན་པ།

ལྷུན་རྩེ་རྫོང་གིས་འགན་ལེན་ལྔའི་དུད་ཚང་སྲི་ཞུ་ལྟེ་གནས་ཀྱི་སྒྲིག་ཆས་སྟེ་ཁྱིམ་ཆས་དང་། གཞུང་ལས་སྒྲིག་ཆས་ཀྱི་རིགས་རྣམས་སྲིད་གཞུང་གི་ཉོ་སྒྲུབ་བྱེད་ཐབས་སྤྱད་དེ་ཉོ་སྒྲུབ་བྱས་པ་བརྒྱུད། མིག་སྔར། སྒྲིག་ཆས་ཚང་མ་དམིགས་སར་འབྱོར་ཟིན་པ་མ་ཟད་སྒྲིག་སྦྱོར་ཡང་བྱས་ཟིན་པ་རེད།ཉེ་ཆར་རྫོང་དམངས་སྲིད་ཅུས་ཀྱི་ཅུས་ཀྲང་དང་། ཅུས་ཀྲང་གཞོན་པ། རྫོང་ཉོ་སྒྲུབ་ལྟེ་གནས་ཀྱི་ལས་དོན་མི་སྣ་བཅས་ཀྱིས་མཉམ་དུ་སྲི་ཞུ་ལྟེ་གནས་སུ་ཉོ་སྒྲུབ་བྱས་པའི་སྒྲིག་ཆས་ལ་ཞིབ་བཤེར་རྩིས་ལེན་བྱས་པ་རེད།

འདི་ནི་ལྷུན་རྩེ་རྫོང་དམངས་སྲིད་ཅུས་ཀྱི་འགོ་ཁྲིད་ཀྱིས་ཁྱིམ་ཆས་སོགས་ལ་བརྟག་ཞིབ་བྱེད་པའི་གནས་ཚུལ་ཡིན་པ།

ཞིབ་བཤེར་རྩིས་ལེན་བྱེད་པའི་བརྒྱུད་རིམ་ནང་། དམངས་སྲིད་ཅུས་ཀྱི་འགོ་ཁྲིད་ཀྱིས་ཐོག་རྩེག་སྡོད་ཁང་དང་།ཟ་ཁང་།ཕྱོགས་བསྡུས་བྱེད་སྒོའི་ཐོག་རྩེག་ཁང་བཅས་ནང་གི་སྒྲིག་ཆས་ཚང་མར་ཞིབ་བཤེར་བྱས་པ་མ་ཟད།ཉལ་ཁང་ཚང་མའི་ནང་གི་ཁྱིམ་ཆས་དང་།སྒྲིག་ཆས། མལ་ཆས་བཅས་ཀྱི་སྤུས་ཚད་ཞིབ་བཤེར་བྱས་པ་རེད།ཉལ་ཁང་ནང་ཁྱིམ་ཆས་སྒྲིག་སྟངས་ལུགས་དང་མི་མཐུན་པའི་རིགས་ལ་དམངས་སྲིད་ཅུས་ཀྱི་འགོ་ཁྲིད་སྐུ་ངོ་མས་བཀོད་སྒྲིག་བྱེད་པ་དང་བསྒྲིགས་པ་མ་ཟད།སྤུས་ཚད་ཡག་པོ་མེད་པའི་ཐོན་རྫས་ཀྱི་རིགས་བརྗེ་པོ་བརྒྱབ་ནས་ཅ་ལག་མཁོ་འདོན་བྱེད་མཁན་གྱིས་རྒན་རྒོན་ལ་སྤུས་ཚད་མཐོ་བའི་དངོས་རྫས་མཁོ་འདོན་བྱེད་དགོས་པ་དང་།དུས་བཀག་ནང་ཅ་ལག་ལེགས་བཅོས་བྱེད་དགོས་པའི་བླང་བྱའང་བཏོན་པ་རེད།

མིག་སྔར། སྲི་ཞུ་ལྟེ་གནས་ཀྱི་ཐོག་རྩེག་ཉལ་ཁང་ནང་བརྙན་འཕྲིན་དང་། ཉལ་ཁྲི། ཅོག་ཙེ་ཆུང་བ། སྦག་ཅོག   ཇ་དམ་སོགས་འཚོ་བའི་མཁོ་ཆས་ཆ་ཚང་ཡོད་པ་དང་།ཕྱོགས་བསྡུས་ཐོག་རྩེག་ཁང་ནང་ཐའེ་ཆིའུ་སྤོ་ལོའི་སྒྲོག་ཙེ་དང་།ཕིང་ཕང་སྤོ་ལོའི་སྒྲོག་ཙེ་དང་རྩེད་ཆས།ཞར་འཕེན་འཕྲུལ་འཁོར། བྱ་སྒྲོའི་སྤོ་ལོ་སོགས་ཆ་ཚང་ཡོད། ཟ་ཁང་ནང་དུའང་ཐུག་བཟོའི་འཕྲུལ་འཁོར་དང་། མོག་མོག་འཕྲུལ་འཁོར། རླངས་བཙོས་འཁོར་ལོ། ཇ་སྲུབ་འཕྲུལ་འཁོར། གློག་གི་བག་ལེབ་བཟོ་ས། སོས་ཉར་གྲང་ཉར་གྱི་གློག་སྒམ་སོགས་ཐབ་ཆས་སྣ་ཚོགས་ཆ་ཚང་པོ་ཡོད།ཕྱི་རོལ་དུ་གཡུ་ལྟར་སྔོ་བའི་སྤང་དང་རྩི་ཤིང་དང་།ཚལ་ཞིང་དང་མེ་ཏོག་ལྡུམ་ར། ཉི་འོད་བར་འཁྱམས། ལུས་སྦྱོང་ཡོ་བྱད། གློག་སྒྲོན་ལམ་སྒྲོན་སོགས་ཆ་ཚང་བ་མཁོ་འདོན་བྱས་ཡོད་པས་ལྷུན་རྩེ་རྫོང་གི་འགན་ལེན་ལྔའི་དུད་ཚང་ནི་དམངས་ཁྲོད་དུ་བདེ་བ་ཅན་གྱི་ཞིང་ཁམས་ཞེས་གྲགས་པ་ལས་ཀྱང་སྐྱིད་སྣང་དོད་པའི་ཁོར་ཡུག་ཅིག་ཏུ་གྱུར་ཡོད། ད་ཆ་སྲི་ཞུ་ལྟེ་གནས་ཀྱི་གཙང་སྦྲ་དང་ཟ་ཁང་གི་གྲ་སྒྲིག་ལས་ཀ་ཚང་མ་མཇུག་འགྲིལ་ཏེ་སྡོད་ཁང་གསར་པའི་ནང་དུ་སྤོ་རྩིས་ཡོད་པ་རེད།

འདི་ནི་ལྷུན་རྩེ་རྫོང་དམངས་སྲིད་ཅུས་ཀྱི་ལས་དོན་མི་སྣས་ཁྱིམ་ཆས་བསྒྲིགས་པ་དང་གཙང་སྦྲ་བྱེད་པའི་གནས་ཚུལ་ཡིན་པ།

རྒྱལ་ཁབ་ཀྱི་རླུང་ཁམས་ཆེ་མོ